எனக்கென்று ஒருத்தி

வட்ட முகம்
நல்ல நிறம்
தோளுயரம்
கூர்மையான, நிறை புத்தி
தன் காலில் நிற்கும் தாரம்- என

என் கையில் ஓடும் வரி பார்த்து
வரைந்துவிட்டான்
எனக்கென்று ஒருத்தியை

வாழ்த்துகின்றேன் எளிமையாய்

புறங்கை கட்டி
தலை குனிந்து
தரை அளந்து
இருபது இயந்திரங்களிடை
இங்குமங்கும் அலைந்து

இனி வரும் வசந்தத்திற்கு
உனை வாழ்த்த
வாசகங்கள் தேடி
இரவும் பகலும் நகர்ந்திட

கிடைக்கவில்லை எனும்
தவிப்புடன்

வாழ்த்துகின்றேன் எளிமையாய்............

சட்டென்று ஞாபகப்படுத்தும் சில

என்றும் என்னுள்
உனைப்பற்றிய எண்ணங்கள்
தினமும் சட்டென்று ஞாபகப்படுத்தும் சில

தினமும் நீ வந்த வழி நான் நடக்கையில்

நீ வந்து செல்லும் பேருந்தும்

உன் வருகையை பதிவு செய்ய
நீ இட்ட உன் கையெழுத்தும்

அறைச்சுவற்றில் உன் ரசனைக்கு
நீ ஒட்டி வைத்த படமும்

நீயும் நானும் சேர்ந்து நடக்கையில்
பாதம்படாமல் இருவரும்
தாண்டிசெல்லும்
பன்னீர்புஷ்பமும்

நம் நட்பில் நீ ரசித்து சொன்ன
இன்னும் பலவும்

உனைப்பற்றிய எண்ணங்கள்
தினமும் சட்டென்று ஞாபகப்படுத்தும் சில

வார்த்தை வல்லூறூகள்

என் தாகத்திற்கு தண்ணீர்

தேடிக்கொண்டிருக்கிறேன்

தேடும் பொழுது

வார்த்தை வல்லூறூகள்

என்னைச்சுற்றி

ஏதோ ஒன்று

எனக்கு தண்ணீர் -இல்லை

வல்லூறூகளுக்கு நான்

உன்னைப்போல்

உன்னைப்போல்
ஒரு கவிதை படைத்திட
தமிழ் இலக்கியத்தில் வாசகம் தேடி நான்
யாசகம் நடத்தி
கிடைத்தவை கொண்டு
எழுதி முடிக்க

எதிரில் நீ
உன்னோடு ஒரு ஒப்பீடு

வரிகளும் மறைந்து
வாசகமும் மறைந்து
என் ஏடு முழுவதும்

அதன்பின்
மீதமிருப்பது
வெள்ளை தாள்
வெற்று புத்தகம்

நீ

நீ

மட்டும் தான்
உன்னைப்போல்
ஒரு கவிதை படைத்திட
முடியும்.

மூன்றாம் பிறையாய்

மூன்றாம் பிறையாய்
முதுகின் பின்னிருந்து
உன் முகம்................


மூன்றாம் பிறையாய்
கதவின் பின்னிருந்து
உன் முகம்................

மூன்றாம் பிறையாய்
குடையுள்ளிருந்து
உன் முகம்................

என்ன சொல்கிறாய் ?

இருட்டில்
நீயா?
நானா?

உன்னிடமிருந்து வரும்போது

சிறு வயதில் என் உடமைகளை
முழுமையாய் திரும்பியதில்லை
உன்னிடமிருந்து வரும்போது

என் முழு நீள பென்சில் திரும்பும்
பாதியாக,
உன்னிடமிருந்து வரும்போது

முழுமையான என் ரப்பர் துண்டுபட்டிருக்கும்
இரண்டு,மூன்றாய்
உன்னிடமிருந்து வரும்போது

எழுத வாங்கிய என் பேனா ஊனமுற்றிருக்கும்
உன்னிடமிருந்து வரும்போது

ஊட்டமாயிருக்கும் என் நோட்டுப்புத்தகம்
பக்கங்கள் பாதியாயிருக்கும்
உன்னிடமிருந்து வரும்போது

இப்பொழுது என் இதயமும்

இதுவரை என்னுடைமைகளை நீ
முழுமையாக திருப்பியதில்லை

எனக்கு பிடித்தவைகள்......

இளங்காலை நேரம்
இளஞ்சூரியனின் நிறம்
இரவு நேர வானம்
புல்லின் நுனியில் பனித்துளி
மழை நின்ற இரவு
நீண்ட ஒத்தையடிப்பாதை
உடன் வானில் பொளர்ணமி நிலவு
தனிமையில் நான்(ம்).

அன்று உன்னிடத்தில்
நான் எதையும் தேடவில்லை!
இன்று
உன்னிடத்தில் என் தேடுகிறேன்
என் இதயத்தை.

நீ தந்த காதலுக்கு
நான் செய்யும் கைமாறு
கவிதைதான் ..!
சுகமான உன் காதலுக்கு
மோசமான என் கவிதை கழிவுகள்....

நட்பு

முகம் பார்க்க நட்பு
நலம் தரும் நமக்கு
கருப்பா, சிவப்பா
அழகா,அழகில்லைய
காசு, பணம்
என்றில்லாமல்
அறிவும் ஆனந்தமும்
மட்டுமே பார்க்கும் அது

உன் நினைவுகள்

இன்று உனை காண
நீ வரும் வழி நோக்கி
நான் விழி பூத்து நிற்க
அதோ மூன்றாம் பிறையாய் நீ.?

உன் நினைவுகள்

எங்கு போனது
எனக்குள்ளிருந்த உன் நினைவுகள்
.
.
.
.
.
மோய்ப்பன் தொலைத்த
ஆட்டுக்குட்டி போல்
தோளில் போட்டு கொண்டு
தொலைத்து விட்டதாய் நினைத்து விட்டேன்.

உன்னை பற்றி

எங்கு போயிற்று
என்னுள் இருந்த
உன்னை பற்றிய எண்ணங்கள்,

இதோ !

பார்வை இல்லாதவன் முன்னிருக்கும்
சில்லறை காசைப் போல்
அகப்படாமல்
துலாவிக் கொண்டு இருக்கிறேன்.

மூன்றாம் பிறை

மணித்துளிகள் கரைய
மாதங்கள் மறைய
வாரங்கள் விலக
நாட்கள் நகர
காத்திருந்தேன்
உன் முகம் பார்க்க,
வந்ததும் மறைந்து கொண்டாய்,
மூன்றாம் பிறை
உன் முகம் காட்டி
மறைகின்றாய்.......

விரல்

ஐந்து விரல்களில்
ஆள் காட்டி விரலாயிருக்க வேண்டும்,
அடுத்தவர்களுக்கு
வழிகாட்ட,

ஐந்து விரல்களில்
சிறு விரலாயிருக்க வேண்டும்,
சிறிதானாலும்
உறுதியாய இருக்க...

ஐந்து விரல்களில்
கட்டை விரலைய் இருக்க வேண்டும்
நான் இன்றி எதுவும் இல்லை
என்றிருக்க....

ஐந்து விரல்களில்
மோதிர விரலாய் இருக்க வேண்டும்,
மதிப்புள்ளவனக இருக்க....

உன்னை சுற்றி..........

படுக்கையில்
என் உடல்
இடம், வலமாய் புரள
என் எண்ணங்கள் மட்டும்
உன்னருகில்,
உன்னையும் உன்னை
சுற்றியும்.....