சக்ரடீசு

ஒவ்வொருவனும் தன் தனி திறமையால் அரசின் ஆணையை முறியடிக்க முயற்சித்தால் அரசியல் அமைப்பே இருக்கமுடியாது. சமுதாயம் சீர் குலைந்து போகும். அரசுக்கு எதிர்ப்பான கருத்துக்களை சொல்லலாம் . ஆனால் அரசின் சட்டங்களுக்கு உட்படாமல் செயல்படுவது நல்ல குடிமகனுக்கு அழகல்ல--சக்ரடீசு

உன் நினைவுகள்

இன்று உனை காண
நீ வரும் வழி நோக்கி
நான் விழி பூத்து நிற்க
அதோ மூன்றாம் பிறையாய் நீ.?

உன் நினைவுகள்

எங்கு போனது
எனக்குள்ளிருந்த உன் நினைவுகள்
.
.
.
.
.
மோய்ப்பன் தொலைத்த
ஆட்டுக்குட்டி போல்
தோளில் போட்டு கொண்டு
தொலைத்து விட்டதாய் நினைத்து விட்டேன்.

உன்னை பற்றி

எங்கு போயிற்று
என்னுள் இருந்த
உன்னை பற்றிய எண்ணங்கள்,

இதோ !

பார்வை இல்லாதவன் முன்னிருக்கும்
சில்லறை காசைப் போல்
அகப்படாமல்
துலாவிக் கொண்டு இருக்கிறேன்.

மூன்றாம் பிறை

மணித்துளிகள் கரைய
மாதங்கள் மறைய
வாரங்கள் விலக
நாட்கள் நகர
காத்திருந்தேன்
உன் முகம் பார்க்க,
வந்ததும் மறைந்து கொண்டாய்,
மூன்றாம் பிறை
உன் முகம் காட்டி
மறைகின்றாய்.......